(Art for life)

ادب برائي زندگيءَ جو مقصد اهو آهي ته انساني زندگي جيئن آهي ، جهڙي آهي، ان جي هو بهو تصوير چٽي وڃي، جيئن ان جو ڪو به پاسو يا پهلو اڻ ڇهيو رهجي نه وڃي.ادب زندگيءَ جو ترجمان آهي.”ادب نه فقط زندگيءَ جي ترجماني ڪري ٿو، پر ان تي تنقيد به ڪري ٿو. زندگيءَ جي سمجهاڻي به ڏئي ٿو ۽ ان جو تفسير پڻ ٻڌائي ٿو. ادب ۾ بهتر خيال ۽ روز مره جي بهتر زبان استعمال ٿئي ٿي. ادب زندگيءَ جي پيداوار آهي ۽ زندگيءَ جي تصوير چٽي ٿو، ان ڪري ان ۾ افاديت جو هئڻ لازمي آهي. ڇاڪاڻ ته اديب جيڪي جذبا آشڪار ڪري ٿو سي ان ماحول سان رکن ٿا ۽ شعوري آهن ۽ خارجي سببن جي ڪري آهن.”ادب براءِ زندگيءَ “ وارن جو اھو به خيال آهي ته جيستائين عوامي مسئلن جو ذڪر نه ڪبو، خلقت خدا کي اهميت نه ڏبي، انقلابي ۽ مزاحمتي ادب نه لکبو، تيستائين اھو ادب نه رھندو. باقي جيڪي اديب صرف گل ۽ بلبل، محبت ۽ حسن کي موضوع بڻائي لکن ٿا، اھو ادب نه آهي، پر ذھني عياشي آھي، ۽ اهڙي ادب جو ڪو ڪارج نه آهي.